News Filmy Newsportal / Nepal
काठमाडौं। वरिष्ठ कलाकार मदनकृष्ण श्रेष्ठको जीवनमा आधारित फिल्म ‘मदनकृष्ण’ निर्माण हुने भएको छ। सोमबार आयोजित कार्यक्रममा फिल्मको औपचारिक घोषणा गरिएको हो।
मिलन चाम्सको निर्देशन रहने फिल्म मदनकृष्णमाथि बन्न लागेको बायोपिक हो। यसअघि ‘ब्लाइन्ड रक्स’, ‘बबी’ र ‘अञ्जिला’ निर्देशन गरिसकेका चाम्सको यो चौथो बायोपिक फिल्म हुनेछ।
फिल्ममा मदनकृष्णको भूमिकामा महेश त्रिपाठी र उनकी पत्नी यशोधाको भूमिकामा केकी अधिकारीले अभिनय गर्नेछन्। फिल्मका निर्माता राजकुमार श्रेष्ठ हुन्। भदौ दोस्रो सातादेखि छायांकन सुरु गर्ने तयारी गरिएको छ।
कार्यक्रममा मदनकृष्ण र हरिवंश आचार्यले संयुक्त रूपमा फिल्मको घोषणा गरेका थिए। मदनकृष्णले आफ्नो जीवनमाथि फिल्म बन्न लागेकोमा खुसी व्यक्त गरे।
