news filmy
March 24, 2025
काठमाण्डौँ । नेपाल अन्तर्राष्ट्रिय चलचित्र महोत्सव (NIFF- निफ ) को आठौँ संस्करणमा मीनबहादुर भाम निर्देशित शाम्बाला ले गौतम बुद्ध अवार्ड जित्दै शीर्ष अवार्ड प्राप्त गरेको छ ।
गत चैत ७–११ सम्म काठमाडौंमा चलेको निफमा ४० देशका ८७ फिल्म प्रदर्शन गरिएका थिए। सोमबार सम्पन्न महोत्सवमा विभिन्न १७ विधामा फिल्मकर्मीहरुलाई पुरस्कृत गरियो। अवार्डको नेश्नल फिचर फिल्म तर्फ आँखाबाट सर्वोत्कृष्ट अभिनेताको अवार्ड आरके मेहेता, स्क्रिनप्ले जोन योञ्जन र फिल्म गरी ३ विद्यामा अवार्ड जित्न सफल भयो भने पुजार सार्कीबाट उत्कृष्ट अभिनेत्रीको अवार्ड अञ्जना बराईली, छायाँकार राजेश श्रेष्ठ र निर्देशकको अवार्ड दिनेश राउतलाई प्रदान गरियो । फेस्टिभलको पूरा नजिता यस प्रकार छ ।
भारतीय फिल्म रूक्मिणी ले डन क्वीजोटे अवार्ड जित्दा, अर्जेन्टिनाको द अविस ले मञ्जुश्री एआई फिल्म अवार्ड प्राप्त गर्यो। उत्कृष्ट छोटो फिल्म साक्षी रुख घोषित भयो भने उत्कृष्ट डकुमेन्ट्रीको उपाधि देवी ले हात पार्यो। अडियन्स च्वाइस अवार्डतर्फ लक्ष्मण सुवेदी निर्देशित सतिदेवी सर्वोत्कृष्ट कथानक फिल्म बन्यो।
समापन समारोहमा प्रमुख अतिथि सञ्चार तथा सूचना प्रविधिमन्त्री पृथ्वीसुब्बा गुरुङले विजेताहरूलाई सम्मान गरे। जसको पूरा नतिजा यस प्रकार छ ।
नेशनल फिचर फिल्म अवार्ड विजेता
सर्वोत्कृष्ट अभिनेता – आरके मेहता (आँखा)
सर्वोत्कृष्ट पटकथा लेखक – जोन योञ्जन (आँखा)
सर्वोत्कृष्ट छायाँकार – राजेश श्रेष्ठ (पूजार सार्की)
सर्वोत्कृष्ट अभिनेत्री – अञ्जना बराइली (पूजार सार्की)
सर्वोत्कृष्ट निर्देशक – दिनेश राउत (पूजार सार्की)
अन्तर्राष्ट्रिय विधा विजेता
डन क्वीजोटे अवार्ड – रूक्मिणी (भारत)
मञ्जुश्री एआई फिल्म अवार्ड – द अविस (अर्जेन्टिना)
माउन्ट एभरेस्ट अवार्ड (उत्कृष्ट डकुमेन्ट्री) – मेल्टिङ स्नो (बेल्जियम)
बागमती अवार्ड (उत्कृष्ट अन्तर्राष्ट्रिय छोटो फिल्म) – लुसिया जी रोमेरो (स्पेन)
अडियन्स च्वाइस अवार्ड
उत्कृष्ट कथानक फिल्म – सतिदेवी (लक्ष्मण सुवेदी)
उत्कृष्ट डकुमेन्ट्री – गल्स रि राइटिङ डेस्टिनी (लव प्याकुरेल)
उत्कृष्ट छोटो फिल्म – साक्षी रुख
News Filmy Newsportal / Nepal
