News Filmy Newsportal / Nepal
काठमाण्डौँ । आगामी मंसिर ७ गते देखि प्रर्दशनमा आउँने फिल्म तेल भिसाको ट्रेलर सार्वजनिक भएको छ ।
शंकर घिमिरको कथा तथा निर्देशनमा तयार फिल्मको ट्रेलर हेर्दा यसका केही सिनले दर्शकको मन छुन सक्छ । समसामयिक कथा बस्तुमा आधारित तेल भिसामा विपिन कार्की पिता र पुत्रको दोहोरो भूमिकामा देखिएका छन ।
पिताको जोडी बनेर अभिनेत्री पूजा चन्द देखिएकी छिन भने पुत्रको जोडीको रुपमा बर्षा राउत देखिएकी छिन ।
केही बेर अघि सार्वजनिक ट्रेलरलाई लिएर युट्युबको कमेन्ट सेक्सनमा निकै राम्रा प्रतिक्रिया आएका छन । प्राय जसो दर्शकले फिल्मको ट्रेलर राम्रो बनेको प्रतिक्रिया दिएका छन ।
अनिल पाण्डे , शिवराज कार्की र प्रिन्स युवराज कार्कीसंगको संयुक्त लगानीमा निर्देशक शंकर घिमिरेको पत्नी समेत रहेकी अभिनेत्री ऋचा घिमिरेले यो फिल्ममा संयुक्त लगानी गरेका छन ।
फिल्ममा ऋचा अधिवक्ताको भूमिकामा देखिएकी छिन । हेर्नुस यस्तो बनेको छ फिल्मको ट्रेलर
