ह्रस्व दीर्घको ट्रेलर सार्वजनिक : हेर्दा कम्प्लिट प्याकेज

काठमाण्डौँ । निर्माण समय देखिनै निकै चर्चा बटुलेको फिल्म ‘ह्रस्व दीर्घ’को ट्रेलर रिलिज भएको छ ।

बुधबार साँझ सार्वजनिक ट्रेलरमा नेपाल सहित भारतका लोकप्रिय कलाकारहरुको जम्बो टोलीलाई देख्न सकिन्छ ।

पूर्ण रुपमा कर्मशियल प्याकेज सहित तयार भएको ट्रेलरले फिल्मको मूल कथा चाँहि खोलेको छैन यध्यपी ट्रेलर हेर्दा यो फिल्म पूर्ण रुपमा कर्मशिल बनेको स्पष्ट हुन्छ ।

उच्च प्रोडक्सन भ्यालु सहित तयार फिल्मलाई चन्द्र पन्तले निर्देशन गरेका हुन । ट्रेलर हेर्दा चन्द्रको निर्देशन कमालको देखिएको छ । उनको निर्देशन बलिउड स्तरका मेकरको झै देखिन्छ ।
ट्रेलर हेर्दा फिल्मको पूरा सेटअप, भिएफएक्स, एक्सन, साउन्ड, क्यामेरा वर्क र प्रेजेन्टेशन तारिफ योग्य छ । यध्यपी हतारको तयारीले हो वा के ले हो , केही स्थानमा भने कलाकारहरुको लिप सिंक मिलेको भने छैन ।

कार्तिक ३० गते देखि प्रर्दशनमा आउने ‘ह्रस्व दीर्घ’को लगानी ६ करोड मात्र रहेको प्रोड्यूसर समेत रहेकी हिरोइन नीता ढुंगानाले जनाएकी छिन । नीता यो फिल्ममा नारायणीको भूमिकामा छिन भने हरिहर अधिकारी उनको प्रेमीका रुपमा देखिएका छन ।