बक्स अफिसमा पूर्ण बहादुरको सारंगीलाई अद्भुत रेस्पोन्स : टिकटक नै कब्जा

काठमाण्डौँ । लक्ष्मी पूजाको दिन देखि प्रर्दशनमा आएको फिल्म पूर्ण बहादुरको सारंगीलाई अदभूद रेस्पोन्स मिलेको छ ।
फिल्मको चर्चा हलमा मात्र हैन टिकटक देखि लिएर युट्युबमा समेत ब्यापक भईरहेको छ यतिखेर ।
टिकटकमा त यो फिल्मले रुवायो भन्दै हजारौ क्लिप अपलोड भएका छन भने काधे कुरी गीतमा पनि लाखौको संख्यामा दर्शकले भिडियो बनाएर टिकटकनै कब्जा गरे जस्तो देखिएको छ । फिल्मका सार्वजनिक कन्टेन्ट यतिखेर युट्युबमा ट्रेन्डिङको शीर्ष स्थानमा पनि उक्लिएको छ ।

रिलिजको सातौ दिनमा आईपुग्दा ब्यापार झन झन बढेको मात्र देखिएको छैन सोजहरु समेत उच्च भईरहेका छन । न्यूज फिल्मीको प्रारम्भिक अनुमान अनुसार यो फिल्मले आज राति सम्ममा करिब पौने ७ करोड ग्रस कमाई गर्ने देखिएको छ ।

यसैगरी घरेलु बक्स अफिसमा अदभूत रेस्पोन्स सहित चलिरहेको पूर्ण बहादुरको सारंगीको डायस्पोरा डिमान्ड पनि उच्च भईदिएको छ यतिखेर । फिल्म निर्माण कम्पनी सेभेन सिज ईन्टटेन्मेन्टका अनुसार अन्र्तराष्ट्रिय रिलिजमा पनि नेपाल जत्तिकै पर्फमेन्स गर्ने आधार पूर्णबहादुरको सारंगीले देखाईरहेको छ ।