नेपाली फिल्ममा अब लेबरको कथा : पूर्णेन्दुले बनाउँने फिल्मको टिजर पनि सार्वजनिक

काठमाण्डौँ । केही बर्ष यता मौलिक पनलाई मध्यनजर गर्दै आफ्नै गाउँघरको कथा पस्किरहेका फिल्मकर्मीहरुको भिडमा निर्देशक पूर्णेन्दु झाले लेबरको कथा उठाउँने भएका छन ।

मे दिवसको अवसर पारेर बुधबार काठमाण्डौँमा पत्रकार सम्मेलन गर्दै निर्देशक पूर्णेन्दुको टिमले लेबर बनाउँन लागेको जानकारी दिएको हो । कार्यक्रममा फिल्मको टिजर समेत बनाएर देखाईएको थियो जसलाई तपाईहरुले पनि यो न्यूजसँगै हेर्न सक्नुहुने छ ।

नेपालमा रोजगारको अभाव सँगै विदेश जान बाध्यात्मक परिस्थितीको कथा सार टिजरमा देख्न सकिन्छ । फिल्ममा उत्पल झालाई मेन लिड बनाईएको छ । बर्ष २०२४ मा प्रर्दशनमा ल्याउँने लक्ष्य राखिएको यो फिल्मलाई पूर्णेन्दु प्रोडक्सन प्रालि र अरिपन फिल्मस प्राइभेट लिमिटेडको जोइन्ट भेन्चरमा बनाईदैछ जसमा अन्य लिडमा रामभजनकामत, राजेश सक्सेना, राकेश यादव, जयनाथ अधिकारी लगायतका कलाकार देखिने छन ।

हेर्नुस टिजर