पूर्ण बहादुरको सारंगीको नयाँ गीत : हेर्दा र सुन्दा निकै मज्जा

काठमाण्डौँ । आगामी कार्तिक १५ गते लक्ष्मी पूजाको दिन देखि प्रर्दशनमा आउने फिल्म पूर्ण बहादुरको सारंगीको दोश्रो गीत रिलिज भएको छ ।

प्रशान्त शिवाकोटी एकलले तयार गरेको यो गीतलाई नियाल्दा अडियो र भिडियो दुवै पक्ष सुन्दर बनेको छ । गीतको अडियो मेकिङ जति राम्रो छ भिडियोमा बिजय बराल र मुकुन भुषालको केमेष्ट्री, लुक्स तथा एक्सप्रेशन उत्तिकै मज्जाको देखिएको छ । बिशेषत बिजयको झयाउरे नाचले त दर्शकको  मन पुरै जित्न सक्छ ।

फिल्मलाई समय सापेक्षको देखाउँन गीतमा युज भएका विभिन्न भिजुअल ईफेक्ट सहित चयन गरिएका दृश्यले गीतको फ्लो मेन्टेन गर्न पूर्ण सहयोग गरेको देखिन्छ । यसमा एडिटर सुरेन्द्र पौडेल र डिरेक्टर सरोज पौडेलले निकै दिमाग लगाएको देखिन्छ ।

यो गीतमा समेटिएका दृश्य हेर्दा पूर्ण बहादुरको सारंगीको पात्रहरुको जिवन कथा के हो भन्ने कुरा स्पष्ट भईन्छ पनि । साथमा हिरोइन अञ्जना बराइली सहित अन्य चिरपरिचित कलाकारहरु बुद्धी तामाङ, देशभक्त खनाल, शंकर आचार्यहरुलाई समेत यो गीतमा देख्दा भिजुअल अझ बलियो बनेको छ ।

तर विडम्बना अडियो र भिडियो दुवै दृष्टीकोणबाट राम्रो निस्किदा समेत यो गीतको ईनिशियल भ्यूज भने निकै कमजोर देखिएको छ युट्युबमा । गीत रिलिजको ७ घण्टामा जम्मा २५ हजार भ्यूज पनि पुगेको छैन । हेर्नुस गीत