News Filmy Newsportal / Nepal
काठमाण्डौँ । ट्रेलरले हाईप बटुलिरहेका अवस्थामा अनमोल केसीको नयाँ फिल्म फर्की फर्कीको शीर्ष गीत सार्वजनिक भएको छ ।
आउँदो जेठ १० गते देखि रिलिज हुने फिल्ममा अनमोलले पहिलो पटक जशिता गुरुङ सँग स्क्रिन शेयर गरेका छन । लिलिबिली फिल्मबाट अभिनय क्षेत्रमा प्रवेश गरकी क्यूट गर्ल जशिताले दुई वटा फिल्म प्रदीप खड्कासँग र एउटा फिल्म धीरज मगरसँग खेले पश्चात अनमोलसँग यो सहकार्य गरेकी हुन । उनीहरु स्क्रिनमा सुहाउँदो जोडी देखिएका छन ।
लोकप्रिय कोरियोग्राफर रेनाशा राईको चेला किरण थापाको कोरियोग्राफीले अनमोलका फिल्मका गीतहरुमा देखिरहने स्टयाण्डर्ड पन घट्न दिएको छैन । किरणले यसैगरी अवसर पाउँने हो भने उनी फिल्म नगरीका अर्का सम्भावना बोकेका कोरियोग्राफर बन्ने ठाउँ देखिन्छ ।
संगीतकार रोमन बज्राचार्यको शब्द , नरेन्द्र मैनालीको क्यामेरा वर्क र किरणको कोरियोग्राफी डिफ्रेन्ट टाईपको स्वीट देखिएको छ गीतमा । प्रशस्त सम्भावना बोकेका निर्देशक सुयोग गुरुङको निर्देशनमा रोहित अधिकारीले निर्माण गरेको यो फिल्मको सार्वजनिक गीतमा संगीतकार रोमन र गायिक निकिता थापाको स्वर सुन्न सकिन्छ ।
तर रोमान्टिक नम्बरको यो गीत चलि आईरहेका फिल्मी गीतहरु भन्दा केही फरक छ । त्यसैले तपाईहरुलाई चाँहि यो गीत कस्तो लाग्छ प्रतिक्रिया जनाउँनु होला । हेर्नुस
