आँचलको हिट म्यानको पोस्टर र टिजर रिलिज : अमेजन प्राइमले किन्यो फिल्म

काठमाडौ । नेपाली फिल्मलाई बिश्वब्यापी रिलिज गर्ने उद्देश्य सहित बनाइएको इन्डो नेपाली फिल्म हिटम्यानको पोस्टर र टिजर रिलिज गरिएको छ ।

नेपालका लोकप्रिय कलाकार एवं दक्षिण भारतीय- तेलगु फिल्मका ब्यस्त प्राबिधिकहरुको सहकार्यमा निर्मित यस फिल्ममा आँचल शर्मा – बिष्णु अधिकारी , प्रशान्त ताम्राकार मुख्य भूमिकामा छन । फिल्मलाई नेपाल सहित भारत र प्रसिद्ध ओटिटी प्लेटफर्म अमेजन प्राइम भिडियोमा समेत प्रदर्शन गर्ने जानकारी गराइयो । पोस्टर रिलिज कार्यक्रममा अमेजन प्राइम भिडियोको तर्फ बाट भेन्डरपार्टनर बनेर आएका प्रतिनिधि राजिभ थसभतापलीको समेत उपस्तिथि रहेको थियो ।

उनले यो फिल्मले नेपाल र भारतका दर्शक माझ पुलको काम गर्ने बताए । निर्देशक समेत रहेका मुख्य अभिनेता बिष्णु अधिकारीले फिल्मलाई उत्कृष्ट बनाउन बिभिन्न ५ देशमा छायांकन गरिएको र क्वालिटी उच्च बनाएको दाबी गरे । उनले यो फिल्म रिलिज पश्चात् अभिनेत्री आँचल शर्मालाई तेलगु इन्ड्स्ट्रीजले समेत खोज्ने दाबी पनि गरेका छन । पोस्टरमा देखिए पनि टिजरमा नदेखिएकी आँचलले फिल्मको आगामी ट्रेलरमा आफू धमाकेदार शैलीमा देखिने बताइन ।

दीपक अधिकारी निर्माता रहेको फिल्ममा साउथका चर्चित सङ्गीतकार मन्त्र आनन्द , सम्पादक बि नागेश्वर रेडीले पनि सहकार्य गरेका छन । फिल्म आउदो फेब्रुअरी महिनामा एक साथ बिश्वब्यापी रिलिज गरिने बताइएको छ ।