दुई दिनमा बगानको कलेक्सन १२ लाख

काठमाण्डौँ । अभिनेता सरोज खनालले पहिलो पटक निर्देशन गरेको फिल्म बगानले दुई दिनमा १२ लाखको हाराहारीमा ब्यापार परेको छ ।

फिल्मले रिलिजको पहिलो दिन शुक्रबार करिब ५ लाख र हिजो शनिबार दश लाखको हारहारिमा ब्यापार गर्दै कूल १२ लाखको हाराहारीमा ग्रस कलेक्सन गरेको हो । यो कलेक्सन पछिल्लो समय रिलिज भएका परस्त्री र अन्तिम संस्कारको भन्दा राम्रो र माथिको कलेक्सन हो ।

बगानले एकल महिलाहरुलाई निशूल्क फिल्म हेर्ने व्यवस्था गरेको थियो तसर्थ कतिको संख्यामा एकल महिलाहरुलाई फिल्मको टिकट निशूल्क वितरण गरियो भन्ने डाटा चाँहि यसमा समावेश छैन । तसर्थ जे जतिले टिकट काटे सोही अनुसारको रिपोर्ट हामीले यहाँ पस्किएका हौँ ।

यसैगरी यहि साता रिलिज भएका विदेशी फिल्म मिसन ईम्बोसिबलले दुई दिनमा करिब ४५ लाखको हाराहारीमा ग्रस कलेक्सन गरेको छ भने गत साता रिलिज भएको ईन्सिडियोस द रेड डोरले हिजो शनिबार सम्म २८ लाख रुपैयाँको कुल ग्रस कारोबार गरेको छ ।