पूरानो घरमा नयाँ नाटक मञ्चन सुरु : रोसनको निर्देशनमा एक महिना सम्म चल्ने

काठमाण्डौँ । काठमाण्डौँको सिनमंगलमा रहेको पूरानो घरमा नयाँ नाटक ‘ट्यूवेल’ मञ्चन सुरु भएको छ ।

असार १५ देखि श्रावण १५ गते सम्म निरन्तर देखाईने नाटकलाई रोसन सुवेदीले निर्देशन गरेका छन । रोसनको यो पहिलो नाटक निर्देशन हो । उनको यो नाटकमा प्रजातन्त्र पुर्नवाहाली तराईका किसानहरुले भोग्नु परेको सिँचाई सम्बन्धी विविध समस्याहरुलाई देखाईएको छ ।

विशेष गरी २०५६ सालमा फर्किएर नाटक मञ्चन गरिएको छ । शुक्रबार बाट सुरु नाटकमा कुन्दन थारु, निशा दाहाल, श्रवण यादव, राजिव चौधरी,अरविन्दकुमार मौर्य, रोहित रजक तथा भुवन लहार लगायतका कलाकारहरुले अभिनय गरेका छन । बुधबार बाहेक हरेक साँझ सवाँ ५ देखि सुरु हुने नाटक शनिबार दिउँसो १ बजे एक्सट्रा सो सहित देखाउँने गरिएको छ ।