मण्डला नाटक घरमा एकै साथ दुई वटा नाटक प्रिमियर हुँदै

काठमाण्डौं । नेपालको सवै भन्दा लोकप्रिय नाटक घर मण्डला थिएटरमा आज दुई वटा नाटक प्रिमियर हुँदैछ ।

बेलुकी ४ बजे ११ औँ ब्याचका विद्यार्थीहरुलाई लिएर कमलमणी नेपालले निर्देशन गरेको नाटक कोराघाटको पहिलो प्रिमियर हुँदैछ भने त्यसपश्चात सोमनाथ खनालको निर्देशनमा हिउँ भन्दा चिसो भन्ने अर्को नाटक प्रिमियर गरिदैछ ।

आजको प्रिमियरमा सेलिब्रेटी, सञ्चारकर्मी र शुभचिन्तकहरुको मात्र उपस्थिती रहनेछ भने दर्शकहरुका लागि असार ८ देखि १४ गते सम्म हिउँ भन्दा चिसोको नियमित शो राखिएको छ । यसैगरी कोराघाटको प्रर्दशन भने असार ८ देखि २१ गते सम्मका लागि राखिएको निर्देशक कमलमणी नेपालले जानकारी दिएका छन ।

कमलले यस अघि एक कवितालाई नाटकका रुपमा निर्देशन गरेता पनि नाटक तर्फको डेब्यू निर्देशन भने कोराघाट हो । यो उनको उनको नाटकममा अधिकाँश नयाँ विद्यार्थी कलाकारहरुले अभिनय गरेका छन भने एक जना फिल्म निर्माता किरण नेपालीले पनि कलाकारको रुपमा अभिनय गरेका छन । उता हिउ भन्दा चिसो मान्छेमा भने भोला राज सापकोटा सहित प्रदीप खड्काको प्रकाश फिल्मकी अभिनेत्री रेनु योगीले मुख्य भूमिका निर्वाह गरेकी छिन ।