सुटिङबाटै बाहिरिन थाले फिल्मका फूटेज : ज्वाइँ साबको क्लाईमेक्स बाहिरिएको हो त ?

काठमाण्डौँ । असोज २४ गते फूलपातिका दिन देखि प्रर्दशनमा आउँने जितु नेपाल र नीति शाह स्टारर फिल्म ज्वाइँ साबको क्लाईमेक्सको दृश्य बाहिरिएको जस्तो देखिएको छ ।

टिजर र गीतमा समेत नराखिएको एक दृश्य यतिखेर टिकटकमा भाइरल भएको हो । एयरपोर्टमा कैद गरिएको दृश्यमा अभिनेता जीतु नेपाल बरखी बारेको पहिरनमा निलो व्याग, पासपोर्ट र दुधे बालक च्यापेर अघि अघि हिडेको देखिएको छ भने उनको पछि पछि हिरोइन नीति शाह खादा र नेपालको झण्डा बोकेर विदाई गर्न हिडेको मर्मस्पर्शी दृश्य छ ।

संगैको भिडियोको अर्को लङ्ग सटमा भने निर्देशक बसन्त निरौला सहित क्यामेरा पर्सनको टिमको दृश्य पनि राखिएको छ । जुन एकाउन्टबाट उक्त भिडियो बाहिरिएको छ त्यो एकाउन्टमा भिडियोको भ्यूज दश घण्टामै झण्डै २ लाख पुग्न लागेको छ । उक्त भिडियो निस्किनु कतिको घातक थियो वा थिएन यस बिषयमा भने ज्वाइँ साब यूनिटले अहिले सम्म कुनै पनि आधिकारिक बक्तब्य दिएको छैन ।

यसैगरी केही दिन देखि नेपालमा धमाधम छायाँकन भईरहेको साउथ ईन्डियन फिल्म ज्याकीको सुटिङका सयौ दृश्यहरु पनि टिकटकमा भाइरल भईरहेका छन भने केही हप्ता अघि छायाँकन सकिएको दयाहाङ राईको कार्साङ  र छायाँकनरत दुखी आत्माको केही दृश्य पनि टिकटकमा निस्किरहेका छन यतिखेर ।