News Filmy Newsportal / Nepal
काठमाण्डौँ । गायक यश कुमारले आफ्नो पछिल्लो गीत तिमी छौ र त म को दोश्रो भाग लिएर आएका छन ।
मोडल अनु थापासँग आफ्नो जोडीका रुपमा यश कुमारले यसको सिक्वेल स्टोरी नयाँ गीतमा देखाएका छन ।
यस पटक पनि गीती कथाका रुपमा भिडियो बनाएका यशले विरामी प्रेमिकालाई निको त बनाएका छन तर स्वयम उनको प्रेम भने असफल हुन पुगेको छ ।
अघिल्लो गीतको छायाँकन ताप्लेजुङको पाथिभरा मन्दिर सम्म पुगेर गरेका यशले यस पटक गीतको छायाँकन काठमाण्डौँमा गरेका छन । निकेश खड्काको निर्देशनमा तयार भिडियोको फिनिसिङ राम्रो देखिएको छ । उनले अघिल्लो गीतको मर्म नमर्ने गरी नयाँ गीतको भिडियो तयार गरेका छन ।
गायन शैलीको टोन भने यश कुमारको पहिले पहिलेका गीतमा जस्तै सुनिएका छन । समय सँगै गायनको टोनमा पनि केही चेन्ज दिन सकेको भए यो गीत अझ पृथक लाग्ने थियो । यध्यपी समग्रमा गीतको संगीत, एरेन्जमेन्ट र शब्दहरु मन छुने प्रकृतिका छन । तर खोजी चाँहि कहाँ हुन्छ भने जुन गीतको सिक्वेल निस्कियो त्यसको सेम हुकलाईन भने यो गीतमा छैन ।
बरु गीतको बीचमा पालम समेत मिसाएर नयाँ टेष्ट दिने प्रयाश यश कुमारले गरेका छन । रिलिज भएको २४ घण्टामा ३ लाख भ्यूज पाइसकेको गीत कस्तो छ त हेर्नुहोस ।
