सपन कुमार राईले ल्याए कर्णप्रिय गीत : अनु चौधरीको आवाजमा अञ्जली अधिकारी मोडल

विगत दुई दशक देखि यूकेमा रहेर पनि नेपाली गीत संगीत लाई निरन्तर प्रोत्साहन गरि रहेका गायक सपन कुमार राईले नयाँ गीत बजारमा ल्याएका छन ।

केही समय अघि मोडल अञ्जली अधिकारी यूकेको एक कार्यक्रममा सहभागी हुन पुगेको अवसरमा राईले आफनो नयाँ गीत माया आफै बसेछ फेरीको भिडियो भर्सन खिचेका थिए जुन गीत यतिखेर म्यूजिक भिडियो बनेर युट्यूबमा रिलिज भईसकेको छ ।

अनु चौधरीको फिमेल भर्सन रहेको गीतमा सपनले गीत मात्र गाएका छैनन उनी आफै मोडलका रुपमा समेत प्रस्तुत भएका छन । डिपी खनालको मिठो शब्दमा तारा प्रकाशले सुहाउदिलो संगीत भरिददा गीत कर्णप्रिय बनेको छ ।
गायक सपन कुमार राई एउटा त्यस्तो ब्यक्तित्व हुन जो अधिकाँश नेपाली कलाकारहरुको यूके आगमनका लागि स्पोन्सर बनिदिने ब्यक्तित्व हुन । उनको घरेलु कम्पनी सपन ईन्टरटेन्मेन्टले बर्षेनि विविध कार्यक्रम आयोजना गर्ने हुँदा उनी नेपालका अधिकाँश कलाकार तथा सेलिब्रेटीका लागि नजिकका मित्र समेत हुन ।

सपनले केही नेपाली फिल्ममा पनि पाश्र्व गायकका रुपमा गीत गाईसकेका छन । उनले गाएको पछिल्लो हिट गीत भनेको फिल्म ह्यारी कि प्यारीमा समावेश धरहरा हल्लियो गीत हो । हेर्नुस उनको नयाँ गीत