मेरो एउटा साथी छ को होस्ट चेन्ज : नरेशको ठाउँमा निशा

अनुप भट्टराई 

सञ्चारकर्मी नरेश भट्टराईको परिकल्पनामा सञ्चालन हुँदै आएको टेलिभिजन शो मेरो एउटा साथी छ को होस्ट चेन्ज भएको छ ।

प्राईम टेलिभिजनमा ३ सिजन सम्म नरेशले सञ्चालन गर्दै आएको उक्त शोको चौथो सिजनका अभिनेत्री निशा अधिकारी देखिएकी छिन ।
आफ्नै यूट्यूब च्यानलबाट पोडकाष्ट समेत सञ्चालन गर्दै आएकी निशाले चौथो सिजनको पहिलो एपिसोडमा दीपकराज गिरी र दीपाश्री निरौलासँग पहिलो अन्र्तवार्ता गरेकी छिन । हरेक आईतबार राति  ९ बजे प्रसारण हुने उक्त सो को पहिलो एपिसोडमा हाल सम्म १५ हजार भ्यूज देखिएको छ ।

प्राईम टाईम्स टेलिभिजनका जिएम गणेश थापाका अनुसार आगामी ६ महिना सम्मका लागि निशा अधिकारीसँग शो सञ्चालनका लागि कन्ट्रयाक्ट गरिएको छ । उनका अनुसार यो पहिलो चरणको कन्ट्रयाक्ट हो राम्रो हुँदै गयो भने अर्को सिजनमा पनि निशा अधिकारीकै निरन्तरता हुनेछ ।

थापाका अनुसार अघिल्ला होस्ट नरेश भट्टराईले आफ्नो कार्यब्यस्तता देखाएका कारण उनको स्थापनमा निशा अधिकारीलाई मेरो एउटा साथी छ सञ्चालनको जिम्मा दिईएको हो । यो सोमा सेलिब्रेटीहरुका मिल्ने साथीहरुलाई बोलाएर उनीहरुको विगतका उतारचणव, हालका उपलब्धी र रमाईला किस्साहरु माथि चर्चा गर्ने गरिन्छ ।