News Filmy Newsportal / Nepal
काठमाडौं । आमा, चिसो मान्छे लगायतका सुन्दर फिल्म निर्माण गरेकी प्रोड्यूसर शर्मिला पाण्डेको छोरा सुरजले निर्देशन गरेको पहिलो फिल्म परस्त्रीको लिरिकल भिडियो सार्वजनिक भएको छ ।
हिन्दी भर्सनमा समेत तयार पारिएको यस फिल्मको ईन्डिया रिलिज र प्रोमोशनका लागि आज प्रोडक्सन टिम मुम्बई हिडेसँगै फिल्मको लिरिकल भिडियो सार्वजनिक गरिएको हो ।
आउँदो शुक्रबार अर्थात असार १५ गते धान दिवसको दिन देखि प्रर्दशनमा आउन लागेको यस फिल्मको लिरिकल भिडियोमा फिल्मकी मुख्य अभिनेत्री शिल्पा मास्के उर्फ आभ्याको बर्थडे सेलिब्रेसन सेटअपमा कोशिष क्षेत्री, गौरव विष्ट फिचर्ड छन ।
केके ब्रोदर्सको कम्पोजिसनमा तयार गीतमा उदयराज पौडेलको संगीत संयोजन छ ।
फिल्मले पायो पिजी सर्टिफिकेट
चुम्बन र बेडसिनका दृश्य लामो भएका कारण जनाउँदै सेन्सर सिफारिस नपाएको परस्त्रीले अन्तत सेन्सर बोर्ड बाट रिलिज अनुमति पाएको छ ।
फिल्मका लेखक दीपेन्द्र के खनाल र वितरक करण श्रेष्ठले सेन्सरको आदेश बमोजिम दृश्य छोट्याएर लगेपछि परस्त्रीलाई सेन्सर बोर्डले पिजी प्यारेन्टल गाईडेन्सको सर्टिफिकेट दिएको हो । प्यारेन्टल गाईडेन्सको अर्थ हुन्छ यदि नावलिगले यस फिल्म हेर्नुपरेमा अभिभावकको अनिवार्य साथ चाहिन्छ । हेर्नुस गीत
